Sher o Shayari,Shayaries,Ghazals,shayaris,Sad,Love,Broken heart,Short,two line,sms,kavita

Koi Jata hai yahan se na koi aata hai
Ye Diya apne andhere mein ghuta jata hai

sab samajhte hain wahi raat ki kismat hoga
Jo sitaara ke Bulandi pe nazar aata hai

main isi Khoj mein barhta hi chala jata hoon
kis Ka aanchal hai ke jo lehraata hai

Meri Aankhon mein hai ek Abr ka tukra shayad
koi mausam ho sar-e-Shaam baras jata hai

de tasalli koi to Aankh chalak uthti hai
koi Samjhaaye to Dil aur bhi Bhar aata hai

Page views post view or post views hit counter to count how many times any post or article on blogspot blog has been read.

Several times bloggers like to count how many times any post or articles on blog has been read.

But blogger doesn't provide any way for counting page views or any post hit counter widget

I've written a hit counter script for blogspot bloggers to count page / post views or hits and sharing it with everyone who needs it




Click this link to read how to implement it on your blog

Have fun

Is Zakhmi Pyaase ko Is tarah pila dena
Paani se Bhara Sheesha patthar pe gira dena

In Patto ne garmi bhar Saaye mein Hume rakha
Ab toot ke girte hain Behtar hai jala dena

Chote kad-o-kaamat pe Mumkin hai Hanse Jungle
ek pair bahut lamba hai us ko gira dena

Mumkin hai ki Is tarah wehshat mein kami aaye
Khaabeeda parindon par ek Goli Chala dena

Ab Doosron ki Khushiyaan Chubhne lagi Aankhon mein
ye Bulb Bahut Roshan hai Is ko Bujha dena

wo nahi hai to uski aas rahe
ek jaaye to ek paas rahe

jab bhi kasne laga utaar diya
is badan pe kai libaas rahe

ek din main agar lahoo pi loon
kai dino bartano me baas rahe

dono ek doosre ka munh dekhain
aaina aaine ke paas rahe

aaj hum sab ke saath khoob hanse
aur phir der tak udaas rahe

waqt e rukhsat kahi tare kahi jugunu aaye
haar pehnane mujhe phool se baazu aaye

bas gayi hai mere ahsaas mein ye kaisi mahak
koi khushboo main lagaaun teri khushboo aaye

mainne din raat khuda se ye dua maangi thi
koi aahat na ho dar pe mere aur tu aaye

us ki baaten ke gul o lala pe shabnam barse
sab ko apnaane ka us shokh ko jaadu aaye

in dino aap ka aalam bhi ajab aalam hai
sokh khaya hua jaise koi aaho aaye

usne cho kar mujhe patthar se phir insaan kiya
muddaton baad meri aankh me aansoo aaye

ye chaandni bhi jin ko choote huye darti hai
duniya unhi phoolon ko pairon se masalti hai

shohrat ki bulandi bhi pal bhar ka tamaasha hai
jis daal pe baithe ho woh toot bhi sakti hai

labon mein chingaari jaise koi rakh jaaye
youn yaad teri shab bhar seene mein sulagti hai

Aa jata hai khud khinch kar dil seene se patri par
jab raat ki sarhad se ek rail guzarti hai

Aansoo kabhi palkon par der tak nahi rukte
udd jate hain ye panchi jab shaakh lachakti hai

khush rang parindon ke laut aane ke din aaye
bichde huye milte hain jab barf pighalti hai

Khushboo ki Tarah Aaya wo tez Hawaaon mein
Manga tha jise hum ne Din Raat Duaaon mein

Tum Chat pe nahi aaye Main Ghar se nahi Nikla
Ye Chaand bahut bhatka hai Saawan ki Ghataon mein

Is shehar mein ek Larki Bilkul hai Ghazal Jaisi
Bijli si Ghataaon mein Khushboo si Hawaaon mein

Mausam ka Ishara hai Khush Rehne do Bachhon ko
Maasoom Mohabbat hai Phoolon ki Khataon mein

Hum Chaand Sitaro ki Raahon ke Musaafir hain
Har Raat Chamakte hain Tareek Khilaaon mein

Bhagwaan hi bhejenge Chaawal se Bhari Thaal
Maasoom Parnidon ke Maasoom Pehluon mein

Dada bare bhole the sab se yeh hi kehte the
Kuch Zehar bhi Hota hai Angrezi Dawaaon mein

Kise Khabar thi Tujhe Is Tarah Sajaoonga
Zamaana Dekhega aur Main na Dekh paoonga

Hayaat-o-Maut,Firaaq-o-Wasaal sab yakja
Main ek Raat mein Kitne Diye Jalaoonga

Pala Barha Hoon abhi tak inhi Andheron mein
Main Tez Dhoop se kaise Nazar Milaaoonga

Mere Mizaaj ki yeh Mardana Fitrat hai
Sawere Sari Aziyat main Bhool Jaoonga

Tum ek Perd se baawasta ho magar main to
hawa ke Saath Bahut Door Door Jaaoonga

Mera ye Ahad hai Aaj Shaam Hone Tak
Jahan Se Rizq Likha hai Wahi se Laaoonga

Jab Sehar chup ho Hansa lo Hum ko
Jab Andhera ho jala lo hum ko

hum Haqeeqat hain Nazar aate hain
Daastano mein Chupa lo hum ko

Din na Paa Jaye kahi Shab ka Raaz
Subah se pehle Utha lo Hum ko

Hum Zamaane ke Sataaye hain Bahut
Apne Seene se laga lo Hum ko

Waqt ke Honth hume Choo Lenge
Un kahe Bol Hain Gaa lo Hum ko

Patthar ke Jigar waalo Gham mein wo rawaani hai
Khud raah bana lega behta hua paani hai

Ik Zehan-e-Pareshaa'n mein Khaab-e-Ghazalistan hai
Patthar ki Hifaazat mein Sheeshe ki Jawani hai

Dil so jo Choote Baadal To Aankh mein Saawan hai
Thehra hua Dariya hai Behta hua paani hai

Aye Peer-e-Khiradmandaa'n Dil Ki bhi Zaroorat hai
Yeh Shehar-e-Ghazaalaa'n hai Yeh Mulk-e-Jawaani hai

gham Waja-e-Figaare-eDil , Gham Qaraar-e-Dil
Aansoo kabhi Sheesha hai , Ansoo kabhi Paani hai

Is Aasra-e-Dil par Hum ne Bhi Kafan pehna
Hans kar koi Poochega kya Jaan ganwani hai

Din Talkh Haqaayeq ke Sehraaoo'n ka Sooraj hai
Shab-e-Gesoo-e-Afsaana Yadoo'n ki Kahani hai

Wo Misra-e-Awara Deewanoo'n pe bhari hai
Jis mein Terey Gesoo ki Berab't Kahani hai